ПРОГРАММЫ - Скачать бесплатные программы / KOMPYUTER UCHUN PROGRAMMALAR KO'CHIRISH / ПРОГРАММЫ. Скачать программы бесплатно / Бесплатные программы для ПК / Каталог бесплатных программ для компьютера / Программы для персонального компьютера / Скачать бесплатно программы для ПК
Главная » 2020 » Декабрь » 31 » Ўзбекистонда Янги йил тадбирларини тўйхона, меҳмонхона, ресторан ҳамда кафеларда нишонлашга рухсат берилди
08:42
Ўзбекистонда Янги йил тадбирларини тўйхона, меҳмонхона, ресторан ҳамда кафеларда нишонлашга рухсат берилди
Республика махсус комиссияси Ўзбекистонда коронавирус билан боғлиқ эпидемиологик вазиятнинг бироз барқарорлашганлигини инобатга олиб, Янги йил байрами муносабати билан 2020 йил 31 декабрь ва 2021 йил 1 январь кунлари тўйхона, меҳмонхона, ресторан ҳамда кафеларда 30 кишидан кўп бўлган кўнгилочар тадбирларни коронавирусга ПЗР-тест ёки экспресс-тест текшируви асосида ташкил этилишига истисно тариқасида рухсат берди. Бу ҳақда Соғлиқни сақлаш вазирлиги хабар қилмоқда.
Қайд этилишича, 30 кишидан кўп бўлган кўнгилочар тадбирларни ташкил этувчи тўйхона, меҳмонхона, ресторан ва кафеларда:
шартнома асосида санитария-эпидемиология хизмати ходимларини жалб этган ҳолда эпидемиологик тартибларга риоя этилиши устидан назорат ўрнатилиши;
коронавирусга ПЗР тест натижаси бўлмаган ташриф буюрувчилар учун хусусий лаборатория ёки санитария-эпидемиология хизмати билан шартнома асосида жойида коронавирусга экспресс-тест текширувини йўлга қўйилиши талаб этилади.
Таъкидланишича, Республика масус комиссиясининг ушбу қарори аҳолининг байрам тадбирларини юқори кайфиятда нишонлашига шароит яратиб беришни кўзда тутган.
Шунингдек, фуқаролардан байрам кунларида ўзлари ҳамда яқинларининг соғлиқларига бефарқ бўлмасдан, тиббий ниқоблардан тўғри фойдаланиб, қўйилган талабларга қатъий риоя этишлари сўралган.
Аввалроқ Ўзбекистонда 2020 йилги «Президент арчаси» қандай ўтказилиши маълум қилинганди.
Izohni foydalanuvchilar qo'sha oladi. Marhamat ro'yhatdan o'ting yoki saytga o'z loginingiz bilan kiring. / Добавлять комментарии могут только зарегистрированные пользователи.
