ПРОГРАММЫ - Скачать бесплатные программы / KOMPYUTER UCHUN PROGRAMMALAR KO'CHIRISH / ПРОГРАММЫ. Скачать программы бесплатно / Бесплатные программы для ПК / Каталог бесплатных программ для компьютера / Программы для персонального компьютера / Скачать бесплатно программы для ПК
Главная » 2021 » Январь » 29 » Украинанинг собиқ президенти хоинликда айбланяпти
15:07
Украинанинг собиқ президенти хоинликда айбланяпти
Украина Бош прокуратураси мамлакатнинг собиқ президенти Виктор Януковични давлатга хиёнатда гумон қилмоқда. Терговчиларнинг фикрича, Янукович Украинага қарши қўпорувчилик фаолиятини олиб бориши учун Россияга ёрдам берган.
Бош прокуратура 2010 йилда Виктор Янукович ва Россиянинг ўша пайтдаги президенти Дмитрий Медведев имзолаган Харков битими Қримнинг босиб олинишига олиб келди деб ҳисобламоқда. Ўша битимга мувофиқ Россия Украина учун газ нархини тушириб берадиган, бунинг эвазига Россиянинг Қора денгиз флоти яна 25 йил Қримда қоладиган бўлган эди. Охир-оқибат Қора денгиз флоти Қримнинг босиб олинишида тўғридан-тўғри қатнашган, демоқда прокуратура.
Шунингдек, Украина Бош прокуратурасининг таъкидлашича, аслида газ учун ҳеч қандай чегирма берилмаган, чунки битим имзоланишидан олдин Россия газ нархини Украина учун икки баравар оширган.
Бу Януковичнинг биринчи бор давлатга хиёнатда айбланиши эмас. 2019 йилнинг январида Киев суди уни хиёнатда айбдор деб топиб, сиртдан 13 йилга озодликдан маҳрум қилган.
Украинанинг собиқ президенти 2014 йилда Россияга қочиб кетган, унинг айнан қайси шаҳарда яшаши эса сир.
Izohni foydalanuvchilar qo'sha oladi. Marhamat ro'yhatdan o'ting yoki saytga o'z loginingiz bilan kiring. / Добавлять комментарии могут только зарегистрированные пользователи.
