ПРОГРАММЫ - Скачать бесплатные программы / KOMPYUTER UCHUN PROGRAMMALAR KO'CHIRISH / ПРОГРАММЫ. Скачать программы бесплатно / Бесплатные программы для ПК / Каталог бесплатных программ для компьютера / Программы для персонального компьютера / Скачать бесплатно программы для ПК
Баъзи оилалар фарзандининг қайси ой, қайси фаслда туғилишини олдиндан режалаштиради. Мутахассисларнинг фикрича, фарзанд туғиладиган ой ёки фаслни режалаштириш она ва бола саломатлигига ижобий таъсир қилар экан. Чунки ёзнинг иссиқ кунлари, қишнинг совуқ ҳавосидаги туғуруқ баъзи ноқулайликларга олиб келиши табиий.
Қиш
+ Қиш мамлакатимизда ўта совуқ бўлмаслиги, ҳатто, баъзи кунларнинг илиқ ўтишини ҳисобга олсак, бу фаслдаги туғуруқнинг ижобий томонлари кўп. Туғуруқдан кейин аёл учун фарзанди билан уйда ўтириш маъқул.
+ Бу фаслда рўзғор ишларидаги жисмоний юклама ҳам бир оз камаяди.
+ Ёзги саёҳатларга ҳам қишда туғилган бола билан чиқиш хавсиз. Чунки 3-4 ойлик бола янги олам шароитига анча кўниккан бўлиб, ҳаво алмашиши унчалик катта хавф туғдирмайди. Баҳорнинг илиқ кунларида фарзандингиз билан бемалол табиат қўйнида дам олишингиз мумкин.
- Янги туғилган бола учун офтобтерапиянинг аҳамияти катта. Шунинг учун қишда туғилган болаларда рахит касаллигининг белгилари кўп кузатилади.
Баҳор
+ Кўпчилигимизнинг севимли фаслимиз. Кўкат ва сабзавотлар кўпайган бу фасл она ва бола саломтлиги учун жуда қулай.
+ Баҳорда одам руҳияти ҳам кўтаринки бўлади.
+ Бола билан сайр қилиш учун мақбул бу фаслда Д3 витамини етишмаслиги кам кузатилади.
+ Баҳорда туғилган болаларнинг тез катта бўлиши ҳам янгиланиш фасли билан боғлиқ.
-Афсуски, кўпчилик учун баҳор аллергия фасли ҳисобланади. Баҳорги ўзгаришлар янги туғилган болада аллергик мойилликни пайдо қилиши мумкин.
-Бу фаслда организм қишдан чарчаб уйғонган бўлади. Янги чиққан мева ва полиз экинларидан кўнгил узолмаган эмизикли аёл фарзандининг қорнини оғритиб қўйиши ҳеч гап эмас.
Ёз
+ Рахит касаллиги деярли кузатилмайди.
+ Ёзда куннинг биринчи ярмида сайр қилган болага қўшимча Д3 витаминига эҳтиёж қолмайди.
+ Ёз таътил фасли бўлгани сабаб, болани ота-она бирга парвариш қилиши мумкин. Бу туғуруқдан кейинги аёлга яхши ёрдам бўлади.
- Туғуруқнинг охирги ойларини ўтказиш учун ёз ҳаддан ташқари иссиқ фасл. Бунда она ҳам, бола ҳам қийналади.
- Чақалоқ ёзда кўп терлайди, ухлашга қийналиб, иштаҳаси ҳам пасаяди.
- Ота-оналар ёзда хонани совутишга жуда эҳтиёт бўлишлари керак. Хона ҳарорати 26-27 даражадан паст бўлмаслиги зарур.
- Ёзда туғилган болаларда камвазнлилик кўп учрайди.
Куз
+ Ҳомиладорликнинг сўнгги ойлари ва туғуруқ учун қулай фасл.
+ Ҳаво ҳарорати мўътатил бўлиши бола ривожланишига ижобий таъсир қилади.
+ Ёздан кейин витаминларни етарлича тўплаган аёл организми туғуруқдан кейин қийналмайди. Эмизикли аёлнинг соғломлиги бола ривожланиши учун муҳим. Шунинг учун кузда туғилган болалар бақувват бўлади.
- Кузда қуёш нурининг камайиши сезила бошлайди.
- Энг ёмони эса, бола айни сайр қилиш ва қуёшга эҳтиёж сезган вақтида қиш бошланади ва кўпроқ уйда ўтиришга тўғри келади.
- Кузда одам руҳияти тушкунлашади. Туғуруқдан кейин баъзи аёллар депрессияга тушиб қолиши ҳам мумкин.
Организм индивидуалдир. Шунинг учун фасллар билан боғлиқ тафовутлар барчага бирдай мос келавермайди. Соғлом ўтган ҳомиладорлик ва яхши парвариш эса фаслларнинг салбий таъсирларига бемалол дош бера олади.
Izohni foydalanuvchilar qo'sha oladi. Marhamat ro'yhatdan o'ting yoki saytga o'z loginingiz bilan kiring. / Добавлять комментарии могут только зарегистрированные пользователи.
