Италиянинг Сицилия оролида жойлашган Европадаги энг йирик ва фаол «Этна» вулқони уйғонди.
Бу ҳақда "Volcano Discovery” хабар бермоқда.
Маълум қилинишича, вулқон отилиши якшанба куни кечқурун 2,7 балли зилзиладан кейин юз берган. Шундан сўнг лава ва турли тоғ жинслари атрофни қоплай бошлаган.
Кейинроқ отилишнинг интенсивлиги баландлашган, лава оқимлари вақти-вақти билан юз метр баландликкача етган, кул учқунлари эса беш километргача чўзилган.