Ҳомиладорликнинг 37-ҳафтасида ва ундан олдин туғилган болалар эрта туғилган чақалоқлар ҳисобланади. Ҳозирги кунда 700 грамм бўлиб туғилган чақалоққа сифатли тиббий хизмат кўрсатилган тақдирда, у тирик қолади. Aммо 100 йил аввал бунинг деярли иложи бўлмаган ва эрта туғилган чақалоқлар ўлимга маҳкум бўлган.
1904 йилда Кони Aйленд ярим оролида Мартин Коуни исмли одам эрта туғилган чақалоқлар кўргазмасини ташкил қилган ва чақалоқларни инкубаторга жойлаштириб, бошқаларга томошага қўйган. Ўша даврнинг қизиқувчан инсонлари учун бундай шавқатсизлик жуда мароқли ҳодиса бўлган. 25 цент эвазига маҳсус инкубатор қутиларида сақланаётган чақалоқни томоша қилиш мумкин бўлган.
Энг қизиқарлиси ота-оналарнинг ўзи эрта туғилган чақалоқларини Мартин Коунинг олдига олиб келган, чунки шифохоналарда уларни қутқаришнинг иложи йўқ деб, гўдаклардан воз кечишган. Мартин Коуни эса ота-оналардан умуман пул олмай, чақалоқларни инкубаторга жойлаштирган ва уларни яшай оладиган муддатга етмагунга қадар шиша ва пўлатдан ясалган маҳсус қутида сақлаган. Уларга ғамхўрлик қилиш ва бошқа тиббий харажатлар кўргазмадан тушган пуллар эвазига амалга оширилган.
Яна бир қизиқ факт Мартин Коунининг ростан ҳам шифокор бўлгани ҳақида тарихда ҳеч қандай исбот йўқ. Aммо шунга қарамай, сохта шифокор фақат профессионал хамшираларни ишга ёллаган ва инкубация тозалигини сақланишига қаттиқ эътибор қаратган. Инкубация ҳудудида чеккан ёки ичган ходимлар ишдан ҳайдалган.
Ўша даврнинг тиббиёт ҳамжамияти Коунининг "инкубация” сидан ҳам ундан ҳам нафратланган. Унинг қилаётган ишлари тиббиёт вакиллари учун ҳеч қандай аҳлоққа тўғри келмайдиган вахшийлик бўлган. Одамлар эрта туғилган чақалоқларни нега қутқариш кераклигини тушуна олмаган. Шунга қарамай, "инкубация” нинг 40 йиллик фаолияти давомида Коуни 6,5 мингга яқин чақалоқни қутқариб қолган. У бундан ҳеч қандай даромад кўрмаган ва камбағалликда вафот етган. Aммо умри давомида сохта шифокор кўплаб дипломли шифокорлар қила олмаган ишни амалга оширган.
